Ka mbërritur në Tiranë opinioni paraprak i Komisionit të Venecias lidhur me zgjatjen e mandatit të organeve të Vettingut. Sipas Top Channel, opinioni i Venecias është pro zgjatjes së afateve të të Vetting-ut.
“Komisioni i Venecias është i mendimit se shtyrja e mandatit të KPK dhe KP është në përputhje me standardet”, mësohet të shkruhet në njoftim.
Mësohet se, raporti përfundimtar për zgjatjen e mandatit pritet që të publikohet në datat 10 ose 11 dhjetor.
Ishte kryetarja e Komisionit parlamentar të ligjeve, Klotilda Bushka ajo e cila kërkoi një opinion nga Venecia ku u dërguan disa pyetje. Sakaq këshilli i legjislacionit dhe komisioni i ligjeve kanë përmbyllur dëgjesat me ekspertët civile për këtë ndryshim kushtetues, për të cilin duhen edhe votat e opozitës.
Socialistët kërkojnë që zgjatja e mandatit të jetë deri në 31 dhjetor të 2024, pra me 2 vite e gjysmë. Ndërkohë, organeve të Vettingut i përfundon mandati në qershor të vitit 2022.
Discussion about this post