Ka dalë video e vrasjes së biznesmenit në Shëngjin. Videoja që po shikoni tregon momentin e ekzekutimit të biznesmenit Ardian Nikulaj. 50-vjeçari shihet që qëndron i vetëm në tavolinë në lokalin e tij.
Atij i bie celulari në momentin që autori i krimit futet brenda dhe duket që e shikon për të kuptuar se kush është, por nuk i del koha për të kuptuar asgjë.
Paralelisht me autorin, në lokal futet dhe vjehrri i Nikulajt, nga dera e kuzhinës dhe e përshëndet vrasësin për mirësjellje. Në këtë çast, autori afrohet, nxjerr armën dhe qëllon gjashtë herë në drejtim të Nikulajt. Më pas largohet i qetë.
Në momentin që nisën krismat është larguar edhe vjehrri i viktimës. E gjithë ngjarja, nga hyrja e tij në lokal, të shtënat dhe ikja ka zgjatur 13 sekonda në total.
Discussion about this post