Përfaqësuesi i BE-së për dialogun Kosovë-Serbi, Miroslav Lajçak është takuar mëngjesin e sotëm me kryenegociatorin serb Petar Petkoviç, për të biseduar rreth takimit me delegcionin nga Kosova për dialogun mes dy vendve. Me anë të një postimi në Twitter, ai ka shkruar se në takimin mes dy palëve që do të mbahet më vonë do të diskutohet për çështjet aktuale si dhe për përgatitjen e takimt të ardhshëm mes dy liderve të vendeve.
“Pas takimit të djeshëm me delegacionin e Kosovës, këtë mëngjes pata një diskutim të dobishëm me Petar Petkoviq, kryenegociatorin serb. Më vonë gjatë ditës do të ulem me dy palët për të diskutuar për çështjet aktuale dhe për përgatitjen për takimin e ardhshëm të liderëve”, ka shkruar Lajçak.
Në takimin që do të mbahet ditën e sotme në Bruksel, delegacioni nga Kosova i përfaqësuar nga zëvendëskryeministri Besnik Bislimi, do të takohet me delegacionin serb të përfaqësuar nga Petar Petkoviç.
