Bisedimet për paqe mes Rusisë dhe Ukrainës janë më afër se kurrë. Mediat e huaja raportojnë se delegacioni ukrainas ka mbërritur në kufirin ukrainas-bjellorusi për bisedime me përfaqësuesit e Rusisë.
Zyra e presidentit ukrainas tha se çështja kryesore e bisedimeve është një armëpushim i menjëhershëm dhe tërheqja e trupave nga Ukraina për të ndaluar përgjakjen që ka pushtuar vendin prej pesë ditësh.
Negociatat pritet të fillojnë në orën 12:00 (ora lokale, 11:00 me orën tonë). Autoritetet bjelloruse njoftojnë se janë të gatshme të mirëpresin bisedimet që janë planifikuar të zhvillohen ndërmjet Rusisë dhe Ukrainës.
Ndihmësi i presidentit rus, Vladimir Medinsky, i cili drejton delegacionin e Kremlinit, tha se ekipi i tij ishte “gati për negociata menjëherë pas mbërritjes së tyre”.
Discussion about this post