Deputeti i Partisë Demokratike, Agron Shehaj, ishte dje në zyrën e kreut të Këshillit Kombëtar të PD për të verifikuar legjitimitetin e firmave në njësitë 5 dhe 7 në kryeqytet, zona nga ku doli si deputet.
Sipas Shehajt, firmat ishin legjitime dhe shumica e delegatëve në këto dy njësi kishin votuar pro mbajtjes së Kuvendit në 11 dhjetor, thënë kjo pasi telefonoi delegatët që kishin firmosur. Për këtë arsye, deputeti lajmëroi pjesëmarrjen në këtë Kuvend, duke shtuar se respekton vullnetin e atyre që përfaqëson.
Mirëpo, një delegate e quajtur Freskida Rapo Hani, ka komentuar nw postimin e Shehajt lidhur me firmat, duke e akuzuar këtë të fundit se gënjeu pasi ajo nuk ka firmosur.
Sipas saj, Shehaj e ka telefonuar, por përgjigja e saj ka qenë negative për firmën dhe për pjesëmarrjen, ndërsa e cilëson qëndrimin e tij si dualist.
“Pse nuk shkruani që janë falsifikuar firmat… Unë nuk kam firmosur dhe rezulton që kam firmosur. Ishit ju që më morët dhe çfarë ju thashë???? Pse nuk denonconi z. Agron. Ç’është ky qëndrim dualist???? Vallë e do PD më shumë se unë??? Zhgënjim total për ju dhe atë që përfaqësoni ju”, shkruan përdoruesja.
Edhe dega 5 dhe 7 të Partisë Demokratike në Tiranë, kanë reaguar për veprimin e deputetit duke e konsideruar si një show mediatik dhe se i vetmi interes i tij është protagonizmi personal.
Discussion about this post