Mesfushori i skuadrës së Laçit, Ardit Deliu ka analizuar momentin e keq të kurbinasve ndërsa ka theksuar se përtej momentit aspak pozitiv, objektiv mbetet pjesëmarrja në kupat e Europës.
“Mendoj që do të jetë një sezon shumë më i vështirë se vjet, duke parë që dhe skuadrat që janë ngjitur, janë të forta. Do të jetë një luftë më e ashpër për vendet e para, por edhe fundin e tabelës. Shpresoj që ne ta mbyllim sa më lart në renditje, pasi aty e kemi vendin.
Primare është që të arrijmë objektivin kryesor, i cili është gjithmonë te Laçi, pjesëmarrja në Europë. Përveç kampionatit, edhe kupës duhet t’i shkojmë deri në fund. Në aspektin personal, çfarë synoni? Në aspektin personal shpresoj që të përmirësohem akoma më shumë duke shënuar dhe asistuar, gjë që në sezonin e kaluar më ka munguar”, theksoi Deliu.
