Moti i keq dhe reshjet e shumta kanë shkaktuar probleme në shumë zona tëvendit. Një ndër to është edhe Gramshi që si pasojë e reshkjeve të rënduara ka pasur probleme me furnizimin me ujë. Mësohet se i gjithë qyteti i Gramshit nuk po furnizohet me ujë për shkak të situatës së përkeqësuar. Raportohet se shkak është bërë çarja e tubacionit të linjës kryesore që furnizon qytetin me ujë, teksa po punohet për riparimin e këtij defekti.
Ndërkohë një tjetër urë është shembur si pasojë e nivelit të lartë në lumenjtë e vendit. Bëhet fjalë për urën që lidh fshatrat Kërpicë dhe Sotir. Ende nuk ka një reagim nga autoritetet për të sqaruar se çfarë masash do të merren për zonat e rrezikuara dhe banorët që kanë mbetur të izoluar nga dëmtimi i disa urave në vend.
Discussion about this post