Shqipëria renditet një ndër vendet me nivelin më të lartë të korrupsionit, por vetëm 62 zyrtarë të niveleve të ndryshme janë kallëzuar penalisht vitin e kaluar nga Kontrolli i Lartë i Shtetit për abuzime dhe mashtrime me pronën publike.
“Jo vetëm në kallëzime, por atë çfarë duhet të jetë. Roli parandalues shumë më shumë se ndëshkues. Ne do të duhet të ndryshojmë mënyrën se si ju sugjeroni, falë konstatimeve që bëni gjatë punës tuaj të auditimeve. Çfarë ndryshimesh duket të ketë, edhe në ligjin e prokurimit publik për të përmirësuar procedurat aktuale, si është rritur eficenca e parave publike dhe ata persona që shkaktojnë dëm të jenë para drejtësisë.”
Dëmi ekonomik në buxhet vitin e kaluar sipas Kontrollit të Lartë të Shtetit llogaritet në 615 milionë euro. Janë mbi 4 200 rekomandime që institucioni më i lartë auditues ka adresuar për institucionet publike në të gjithë vendin, ku pjesa më e madhe e tyre përfshijnë masa disiplinore e administrative, por edhe rekomandime për përmirësime ligjore.
Discussion about this post