Demi Lovato zbulon vështirësitë që ka me shikimin dhe dëgjimin

Demi Lovato ka zbuluar se ajo lufton me dëmtimet e shikimit dhe të dëgjimit, të shkaktuara nga një mbidozë në vitin 2018.

Ylli i pop-it dhe ish-aktorja e Disney Channel u shfaq në Andy Cohen Live të ‘SiriusXM’, ku foli për betejën e saj të mëparshme me varësinë dhe pasojat që ajo kishte në shëndetin e saj.

“Unë nuk do ta ndryshoja rrugën time sepse nuk kam asnjë pishman. Gjëja për të cilën jam penduar është kur e teprova me mbidozën dhe do të doja që dikush të më kishte thënë është, një, se isha e bukur, sepse nuk e besoja dhe dy, do të doja që dikush të më kishte thënë se nëse e pranon dhimbjen, ajo kalon”, tha ylli.

Lovato, gjithashtu tregoi se ajo nuk drejton më makinën për shkak të dëmtimit të shikimit dhe të dëgjimit.

“Ajo mbidozë më shkaktoi shumë – në fakt shkaktoi një paaftësi. Unë kam dëmtim të shikimit dhe dëmtim të dëgjimit edhe sot”, shtoi ajo, duke pranuar më vonë se nuk drejton më makinën për këtë arsye.

Më vonë gjatë diskutimit, megjithatë, këngëtarja 30-vjeçare ndau pikëpamjen e saj pozitive për çështjet e saj shëndetësore dhe tha se ajo ka filluar t’i shikojë dëmtimet si një “rikujtim të përditshëm dhe të vazhdueshëm” për të vazhduar rrugën e saj drejt të qëndruarit larg substancave.

“Është një kujtesë e përditshme, e vazhdueshme. Dhe kështu është një kujtesë e vazhdueshme për të qëndruar në rrugën e duhur sepse nuk dua që kjo të ndodhë më kurrë”, tha ajo.

Kjo nuk është hera e parë që Lovato flet për luftën e saj me varësinë, dhe mbidozën e saj gati fatale në 2018. Ajo gjithashtu foli për këto probleme në serinë e saj të dokumentarëve në YouTube të vitit 2021, “Dancing with the Devil”.

Në serial, ajo pranoi se në javët para mbidozës së saj, ajo ishte bërë e varur nga heroina dhe kokaina. Ajo gjithashtu tha se ishte e habitur që nuk e teproi më herët.

Siç raportohet nga The Independent, vokalistja tani është plotësisht e pastër që nga viti 2021, pas një adoptimi fillestar të një qasjeje “esëll në Kaliforni” – një mënyrë jetese që lejon marihuanën dhe alkoolin me kusht që të jetë në moderim.