Nga Enver Bytyci
Ish- deputeti i Edi Rames, Aqif Rakipi, u shpall jo vetëm non-grata, por atij iu ngrinë pasuritë nga ana e Departamentit të Thesarit te SHBA-ve. Megjithatë nuk u shpall non-grata djali i tij, Orlando Rakipi, edhe pse ai u zgjodh deputet përmes ndërmarrjes kriminale te babait te tij! Nuk e pësuan këtë fat as gruaja dhe anëtarët e tjerë të familjes së ngushtë të Aqifit!
A ishte kjo një pakujdesi? Jo! Ishte një përllogaritje politikë në modelin artimetik. Le të goditej Aqifi, me qëllim që të mbijetonte dhe të lihej në parlament produkti i tij biologjik dhe kriminalo-politik, Orlando! Ky ishte interesi themelor i Edi Ramës dhe ambasada u kujdes pikërisht që të mos e thyente ketë interes jetik te kreut te mazhoranca!
Ndërkaq bashkë me Sali Berishen u shpall non-grata edhe gruaja e tij, Liri Berisha majin e vitit të kaluar. Edhe pse Doktoreshe Liria është dhe mbetet simboli e modeli i sjelljes dhe respektit njerëzor e familjar për gjithë shqiptarët, ajo nuk u kursye nga vendimi i DASH për te shoqin! Kurse djali i Aqif Rakipit, ulur në parlament me vota të vjedhura, të blera e kriminale, siç thuhet për babain e tij në vendimin e Departamentit të Thesarit, nuk përben rrezik as për Shqipërinë, as për SHBA-të!
Liri Berisha, e cila nuk mund të akuzohet për asgjë, për asnjë sjellje jo korrekte, jo me për ndonjë aferë të caktuar, shpallet non-grata dhe i caktohet akuza si rrezik shoqëror e politik?!!!
Ndërkaq nuk pashë asnjë grua e vajzë shqiptare, intelektuale, shkrimtare, mjeke, humaniste, veprimtare, politikane, që ta marrë në mbrojtje Liri Berishën, edhe pse ato e dinë dhe e ndjejnë të vërtetën!
Diktatura është frikë. Diktatura e frikës e mban në këmbë padrejtësinë! Ky shembull qe dhashë me lart është prove se ne jetojmë në diktaturën e frikës!
Në Shqipëri është rrënuar dhe tjetërsuar raporti me te vërteten! Është varrosur e drejta dhe paanësia, është shembur demokracia! Dhe e gjitha kjo me ndihmën e administratës se atij vendi, SHBA-se, e cila ishte aktori dhe faktori kryesor i fitores se demokracisë ne vendin tone! Unë nuk do te resht t’i shënoj këto të vërteta të hidhura!
Discussion about this post