Deputetët demokratë kanë diskutuar në mbledhjen e sotme të grupit parlamentar mbi vakancën disa mujore të pozicionit të Kryetarit të Komisionit të Shëndetësisë që i takon opozitës.
Burime nga mbledhja bëjnë se kryetari i Grupit, Gazment Bardhi, ka informuar deputetët se do të propozojë deputeten Orjola Pampuri për këtë pozicion, por ky propozim ka hasur kundërshtinë e deputetëve.
Ata kanë propozuar deputeten Zheni Gjergji, e cila është miratuar me shumicën e votave të ligjvënësve demokratë.
Propozimi zyrtar i Grupit të PD pritet të votohet sot në seancë plenare.
Discussion about this post