Pas udhëzimit të Kryeministrit Edi Rama për shkarkimin e nënkryetarëve dhe administratorëve të njësive administrative në të gjitha bashkitë e vendit, kanë nisur lëvizjet e para në nivel lokal.
Në Malësi të Madhe, kryebashkiaku Tonin Marinaj ka qenë ndër të parët që ka zbatuar urdhrin. Ai ka mbledhur vartësit e tij në një drekë lamtumire, ku u ka komunikuar ndryshimet e pritshme në administratë dhe vendimin për largimin e dy nënkryetarëve dhe disa administratorëve.
Ndërkohë, në Pukë dhe Fushë-Arrëz, ku bashkitë drejtohen nga kryetarë të djathtë, nuk ka pasur lëvizje. Dy kryetarët demokratë nuk kanë pranuar të ndërmarrin shkarkime, duke argumentuar se urdhri i Kryeministrit nuk është i detyrueshëm për ta.
Kryetari i Bashkisë Has, Miftar Dauti, u shpreh në reagim për mediat tha se nuk e ka në plan të shkarkojë asnjë punonjës, vetëm nëse shkelin ligjin.
Lëvizje janë sinjalizuar edhe në Bashkinë e Shkodrës, ku drejtuesit ndodhen në një mbledhje të mbyllur. Deri më tani, nuk ka pasur një njoftim zyrtar për vendimet e mundshme por ndryshime ka tek administratoret.
Ndryshime ka edhe ne bashkinë e Vaut te Dejës por mbledhja pritet te zhvillohet ditën e nesërme, ku kryebashkiaku Kristian Shkreli do të takohet me të gjithë drejtuesit e bashkisë.
Edhe në ambientet e bashkisë së Fierit ka nisur mbledhja dhe intervistomi i të gjithë drejtorëve të këtij institucioni lokal.
Drejtuesja politike e qarkut Fier, Belinda Balluku në një takim në ambientet e bashkisë ka thirrur gjithë drejtorët ku u ka thënë se do të intervistojë gjithsecilin.
Balluku është pritur nga kryebashkiaku Armando Subashi dhe deputeti i ri Ramion Kurti, por në takimin me drejtoret ata nuk kane qenë të pranishëm.
Kujtojmë se pak ditë më parë kreu i qeverisë Edi Rama ka kërkuar riorganizim të bashkive në bazë të performancës së drejtorëve.
gijotina.com/
Discussion about this post