Sulejman Demollari kthehet në futbollin rumun. Legjendës së futbollit shqiptar që është konsideruar si lojtari i huaj më mirë në historinë e Dinamos së Bukureshtit, iu rezervua një nderim i veçantë.
Ditën e shtunë, Demollari zbriti në fushën e lojës pak çaste para fillimit të ndeshjes mes Dinamos së Bukureshtit dhe Universitatea, e vlefshme për titullin kampion për të shkelmuar topin për startin e sfidës që në fund u fitua nga Dinamo e Bukureshtit me rezultatin 2-1
Demollari më pas mori në duar edhe një fanelë nga zëvendëstrajneri i Dinamos për të përshëndetur më pas tifozët e kësaj skuadre i pushtuar nga emocionet. Sulejman Demollari si futbollist ka fituar titullin kampion me Dinamon e Bukureshtit dhe është shpallur golashënuesi me i mirë. Ai ishte lojtari i parë i huaj që bëri përshtypje në futbollin rumun pas revolucionit. Demollari shënoi 36 gola në 100 ndeshje kampionati mes viteve 1991 dhe 1995.
‘Erdha për një dokumentar, një film për jetën time, pjesë e të cilit është edhe Dinamo e Bukureshtit. Erdha me shumë emocione, pas kaq shumë vitesh erdha për të parë ekipin-tha Demollari për median rumune-Është një emocion i madh, dje në mbrëmje u takova me djemtë, bëmë një festë me Mihăescun, kapitenin, Gică Mihali, Sebi Moga, Costel Pană, Florentin Petre, Tom Cristea… dhe ishte një diskutim nostalgjik’.
VIDEO e Sulejman Demollarit
Discussion about this post