Shtohen dhimbjet e kokës për Mikel Artetën. Tekniku spanjoll nuk do të ketë në dispozicion sulmuesin, Bukayo Saka. Anglezi ka pësuar një dëmtim në kofshë, duke iu nënshtruar operacionit.
Dëmtimi do e lejë jashtë fushës për më shumë se 2 muaj, duke humbur sfida të rëndësishme në rrugën drejt titujve kampion.
Saka ka shënuar pesë gola dhe ka asistuar në 10 raste në kampionat këtë sezon për të qenë ndër më të rëndësishmit te londinezët. Ndikimi i tij ka qenë dhe në Champions League, ku shënoi katër gola dhe dha dy asistime në vetëm pesë ndeshje.
Mungesa e tij pritet të zgjasë deri në Mars, dhe të jetë gati për sfidat me eliminim direkt në Champions League. Arsenali renditet aktualisht i dyti në kampionat, pas Liverpoolit me një diferencë të konsiderueshme.
23-vjeçari u dëmtua në sfidën me Crystal Palace, ku më pas u pa teksa largohej me paterica nga stadiumi.
Në Tetor dhe Nëntor, anglezi humbi tre ndeshje të Ligës së Kombeve, si dhe humbjen e Arsenalit në Premier League në Bournemouth dhe fitoren në Champions League ndaj Shakhtar Donetsk, për shkak të një dëmtimi në këmbë.
Discussion about this post