Mesjavën e kaluar Armando Broja nuk e shijoi fitoren 2-0 të Everton kundër Peterborough, pasi u dëmtua dhe u largua nga fusha me barelë. Lëndimi në këmbën e djathtë duket se nuk është aq i rëndë sa ishte parashikuar më parë.
Për këtë foli edhe trajneri i ri i Everton, David Moyes. Ai tha se sulmuesi do i nënshtrohet testeve të reja, kjo pasi të ketë një ulje të ënjtjes në kavilje.
“Broja do i nënshtrohet një tjetër skanimi. Unë mendoj se ka pak mëdyshje, një moment po mendojmë se dëmtimi është më i rëndë, prandaj kjo është arsyeja pse dyfishojmë skanimet. Thjesht presim që një ënjtje të ulet përpara se të shkojë për një skanim dhe shpresojmë se do të kemi një ide më të mirë në ditët e ardhshme”, tha Moyes.
Discussion about this post