Ylli i Paris Saint-Germain, Neymar mund të qëndrojë jashtë fushës së blertë deri në vitin 2022. Braziliani u dëmtua rëndë dhe u desh të dilte me barelë jashtë fushës në ndeshjen e PSG-së me Saint-Etienne, e cila u mbyll me rezultatin 3-1.
Sulmuesi ndrydhi kyçin e këmbës së majtë dhe pasi ra në fushë u duk se kishte dhimbje të tmerrshme. Ekipi i PSG-së dhe stafi mjekësor u dukën mjaft të shqetësuar për gjendjen e 29-vjeçarit, i cili u detyrua që të dilte nga fusha me barelë.
Ndërsa klubi parisien bëri me dije ai do t’iu nënshtrohet ekzaminimeve mjekësore për ta mësuar shkallën e dëmtimit dhe kohën që do i duhet të qëndrojë jashtë fushës.
Megjithatë duke ditur se Neymar ka pësuar lëndim të ngjashëm të kyçit dy herë më parë gjatë karrierës në Paris nga viti 2019, herën e parë ai mungoi dy muaj, ndërsa herën e dytë katër javë, nuk dihet se sa do zgjasë rikuperimi këtë herë, por që pritet të jetë një kohë e gjatë.
Përmes një postimi në rrjetet sociale pas ndeshjes, Neymar shkroi: “Fatkeqësisht, këto telashe janë pjesë e jetës së një atleti. Tani duhet ta ngre kokën lart dhe të eci përpara. Do të rikthehem më i mirë dhe më i fuqishëm”./K.T/Gijotina.com
Discussion about this post