Endri Çekiçi shënoi në duelin kundër Galatasaray një ditë më parë, por Konyaspor në fund doli pa pikë nga fusha e blertë.
Mesfushori nga Pogradeci realizoi një gol fantastik nga distanca, ndërsa në një rast tjetër u ndal nga trau i portës.
“Shënova falë talentit që Zoti ma ka dhënë që fëmijë. Luajtëm shumë mirë, por nuk kishim fat. Edhe pse shënova gol, nuk jam i lumtur.
Ne jemi një ekip që gjuajmë shumë nga distanca, ndaj edhe unë provoj shpesh”, u shpreh pas ndeshjes Endri Çekiçi, i cili pësoi edhe një dëmtim në duelin e djeshëm dhe rrezikon të jetë me Shqipërinë në duelet e Nations League kundër Izraelit dhe Islandës.
Discussion about this post