Sulmuesi i Bayern Munich, Harry Kane, me shumë gjasë nuk do të luajë në ndeshjen e Kupës së Gjermanisë të martën kundër Bayer Leverkusen për shkak të një dëmtimi në kofshë. Klubi baravarez njoftoi pas analizave të kryera mëngjesin e së dielës, se 31-vjeçari, që është golashënuesi më i mirë në kampionat në këtë sezon, kishte pësuar një dëmtim në pjesën e pasme të kofshës së djathtë dhe se skuadra do të duhet të bëjë pa të për një kohë të pacaktuar.
Edhe trajneri i Bayern, Vincent Kompany, e pranoi se Kane nuk kishte gjasa të ishte i disponueshëm për takimin kundër ekipit të Xhakës. Ai tha se bomberi anglez do të jetë i gatshëm për tu kthyer në fushë “pas disa javëve”, pa përcaktuar një afat konkret. Kapiteni i Anglisë e ka nisur mjaft mirë sezonin, ku ka realizuar 20 gola në 19 takime të luajtura në të gjitha ndeshjet.
Përpara pushimeve të Vitit të Ri, ekipi bavarez do të duhet që të luajë edhe pesë takime të tjera. Përveç Leverkuzenit të Xhakës, skuadra e drejtuar nga Kompani do të përballet edhe me Heidenheim, Mainz dhe RB Leipzig në Bundesligë dhe Shakhtar Donetsk në Ligën e Kamioneve.
Tekniku Kompani mendon se do të jetë e vështirë në skuadër që të zëvendësohen golat që Kane shënon.
Ndërkohë, mediat gjermane raportuan se lojtari, në skenarin më të mirë, do të jetë jashtë fushave për të paktën dy javë.
Discussion about this post