Për shkak të një dëmtimi në burimet e “Shën Mërisë”, ujësjellës-Kanalizime Tiranë ka njoftuar në fundjavë do të ketë çrregullime në furnizimin me ujë, deri në riparimin e avarisë.
Nga ky riparim, zonat e prekura që nuk do të kenë për disa orë ujë janë Farka, Sauku i ri, Sauku i vjetër, Mjull Bathore, Fshati Dajt, Liqeni i thatë, Rezidenca Kodra e Diellit, Komuna e Parisit, Rruga Elbasanit (pjesërisht), Ali Demi (pjesërisht) dhe Rruga “Pasho Hysa”.
Ujësjellës-Kanalizime Tiranë u ka kërkuar mirëkuptimin e qytetarëve dhe thotë se aktualisht, ekipet po punojnë për zgjidhjen sa më shpejt të problematikës dhe rikthimin normal të furnizimit me ujë të pijshëm.
