Tensionohet situata në protestën para Bashkisë së Tiranës, ku është janë shënuar përplasje mes policisë dhe protestuesve.
Këta të fundit kanë qëlluar me vezë drejt efektivëve, të cilët kanë rrethuar Bashkinë e Tiranës, si dhe kanë lëvizur nga vendi blloqet e betonit të vendosura aty. Gjithashtu u është vënë flaka disa gomave të vjetra.
Policia nga ana tjetër ka shuar zjarrin me fikëse të posaçme zjarri, me lëndën që ka prekur edhe protestuesit. Po ashtu, ka përdorur lëndë të gaztë kundër protestuesve.
Nga mikrofoni i protestës, Adriana Kalaja tha se pasojë e hedhjes së gazit nga policia drejt protestuesve, disa prej tyre janë dëmtuar rëndë, përfshirë shefin e organizimit në PD, Klevis Balliu.
Po ashtu, ajo tha se deputetë demokratë dhe funksionarë të tjerë të partisë janë dëmtuar si pasojë e gazit të hedhur nga policia, përfshirë, Flkamur Nokën, Tomorr ALizotin, Belind Këlliccin, Luccioano Bocin e të tjerë.
“Klevis Balliu është dëmtuar shumë rëndë nga gazi lotsjellës, do keni punë me ne s’ja u falim dhunën, s’ja u falim që keni marrë përsipër të jeni më krah të vrasësve… Disa protestues janë dëmtuar shumë rëndë, do mbani përgjegjësi personale. Po hidhet gaz lotsjellës”, tha Kalaja nga mikrofoni i protestës duke iu drejtuar kreut të Policisë së Tiranës dhe atij të Policisë së Shtetit.
Discussion about this post