Në përpjekje për të menaxhuar stresin që përjetojnë rregullisht, njerëzit zhvillojnë zakone të ndryshme nervore.
Një prej tyre është të hanë thonjtë e tyre. Megjithatë, ky zakon mund të jetë një kërcënim për shëndetin, duke rritur gjasat për një sërë sëmundjesh.
Shkencëtarët në Qendrën e Shkencave Shëndetësore të Universitetit të Teksasit A&M analizojnë pesë arsye serioze pse duhet të heqim dorë nga ngrënia e thonjve:
Shumë mikrobe fshihen në thonj
Edhe nëse i lani duart rregullisht, është e vështirë të hiqni të gjitha mikrobet dhe papastërtitë e fshehura nën thonj.
Kjo zonë e trupit është veçanërisht e favorshme për akumulimin e mikrobeve, kështu që sa herë që kafshoni thonjtë, u jepni këtyre mikrobeve akses në trupin tuaj përmes gojës.
Sapo këta patogjenë të hyjnë në trup, ju rritni automatikisht mundësinë për t’u sëmurur.
Rreziku i infeksionit rritet
Duke kafshuar thonjtë, ju rritni mundësinë për të zhvilluar paroniki, infeksion i thonjve që shkakton dhimbje skuqje dhe enjtje rreth thoit.
Infeksioni është bakterial, mund të shfaqen edhe flluska me qelb.
Dëmton shëndetin e dhëmbëve
Dhëmbët janë aty për t’i përdorur për të ngrënë ushqim, por jo si “mjete” prerëse. Kafshimi i thonjve mund të largojë dhëmbët nga pozicioni i tyre natyror, duke rritur shanset për të pasur nevojë për ortodonci (drejtim të dhëmbëve).
Gjithashtu është e mundur të shkaktohet dëmtim i smaltit të dhëmbëve.
Mikrobet që hyjnë në trup përmes këtij zakoni të keq mund të shkaktojnë gjithashtu acarim të mishrave të dhëmbëve. Së fundi, bakteret që hyjnë në trup mund të qëndrojnë në zgavrën e gojës për një kohë të gjatë, duke shkaktuar erën e keqe të gojës.
Rrit rrezikun e depërtimit të thonjve në lëkurë
Nëse vazhdimisht i kafshoni thonjtë, ka të ngjarë të krijoni kushtet që ata të rriten nga brenda.
Thonjtë shkaktojnë dhimbje dhe ënjtje, dhe potencialisht mund të çojnë në infeksion dhe nevojën për kirurgji.
Ekziston rreziku i helmimit
Nëse i lyeni thonjtë, atëherë keni një arsye shtesë për të mos i ngrënë.
Manikyri ka shumë toksina, ndërsa manikyrat xhel përmbajnë kimikate që mund të jenë të dëmshme nëse gëlltiten. Megjithëse rreziku i toksicitetit është i ulët, pasojat afatgjata të këtij zakoni mbeten të panjohura.
Discussion about this post