Fshati Zenisht i Matit ka mbetur pa energji elektrike që nga nata e mbrëmshme. Shkak për këtë problematikë është bërë dëmtimi i kabinës elektrike nga disa persona ende të pa identifikuar. Gjatë natës policia raporton se është rrëzuar në tokë transformatori dhe më pas autorët kanë çmontuar bobinat dhe vjedhur rreth 100 litra vaj.
Policia po punon për identifikimin dhe kapjen e autorëve. Ndërkohë ende nuk dihet se sa kohë do të zgjasë rikuperimi i situatës, për banorët e fshatit Zenisht të Matit, të cilët nuk janë furnizuar me energji elektrike që nga nata e mbrëmshme, ku ndodhi dhe dëmtimi i kabinës.
Discussion about this post