Ish-ministrja e Financave, Anila Denajn, ka folur sot mbi debatet e shumta që kanë shoqëruar buxhetin 2022 dhe paketën fiskale. Sipas Denajt, debate janë ekzagjeruar dhe kanë dalë nga qëllimi i vërtetë, pasi paketa fiskale nuk është një plan i hartuar për të ndihma, por skemë që do të nxisë rritjen ekonomike në vijim.
“TVSH nuk është pjesë e kostos në produktin final. Dikton një marrëdhënie të ndryshuar të fermerit me grumbulluesin. Paketa fiskale nuk duhet patjetër të kënaqë një palë. Është produkt i një politike që nuk duhet të lejojë lehtësi. Të zëvendësohet aty ku duhet për zhvillimin ekonomik me subvencione.
Paketa fiskale nuk është paketë që domosdoshmërisht vjen në kontekstin e ndihmës. Në vite ka qenë e tillë dhe ne prandaj kemi diskutuar, një strategji afatmesme janë analizuar të gjithë sektorët. Ndihma ka politika të tjera që i bën ministria e bujqësisë. Kushtet janë të tilla që nuk lejojnë automatizimin e proceseve”, tha ajo. Sipas saj, paketa fisakle hartohet që të rrisë cilësinë në ato sektor që kërkojnë mbështetje.
Discussion about this post