Në mbledhjen e sotme në Komisionin e Ekonomisë dhe Financave është diskutuar kandidatura për Kreun e Autoritetit të Konkurrencës, ku si kryetar është propozuar Denar Biba.
Vetë Biba, ka zgjedhur që të mos jetë i pranishëm në mbledhje, duke shkaktuar debate mes mazhorancës dhe opozitës, ku kjo e fundit ka kundërshtuar, duke theksuar se Biba është akuzuar nga një anëtar i Gjykatë së Strasburgut.
Megjithatë emri i tij ka kaluar për diskutime në Komisionin e Ekonomisë dhe me shumicë votash emri i është dërguar Kuvendit.
Më herët, Biba ka punuar për 11 vite si këshilltar ligjor në Gjykatën Kushtetuese dhe Gjykatën e Lartë, ndërsa gjithashtu ka qenë Kryetar i Komisionit Qendror të Zgjedhjeve. Nisur nga postet që ka mbajtur, duket se Biba po shpërblehet nga qeveria për shërbimet e tij në krye të këtyre institucioneve, duke i kaluar nën kontroll Autoritetin e Konkurrencës.
Autoriteti është institucioni publik i ngarkuar nga ligji për të mbrojtur konkurrencën e lirë dhe efektive në Shqipëri, por shpesh herë ka qenë në qendër të kritikave pasi lejon monopolizimin e tregut dhe nuk ndërmerr masa ndëshkuese ndaj kompanive që abuzojnë me çmimet.
Discussion about this post