Çështja e detit ka qenë një nga temat e rëndësishme që është diskutuar në takimin e mbajtur ditën e sotme mes ministres së Jashtme Olta Xhaçka dhe homologut të saj grek Nikos Dendias.
Në një deklaratë për mediat, Dendias bëri thirrje të ulen tensionet në veri të Kosovës, ndërsa shtoi se çështja e detit me Shqipërinë do të dërgohet në Hagë për tu gjykuar.
“Dua të jem i qartë që, prosperiteti dhe qasja paqësore për ne përben çështjen kryesore. Duhet që të gjithë ne të tregohemi frytdhënës për situatën në Kosovë. Si në takimet në Kosovë, po ashtu edhe në Serbi, kam kërkuar që të ulen tensionet. Sa për Shqipërinë ne kemi rënë dakord që çështjen e detit, ta çojmë në Hagë. Kjo, ulja e tensioneve si dhe ruajtja e kufijve, do të krijojnë një hap të drejtë ruajtjes së marrëdhënieve tona. Gjatë takimit tonë ne diskutuam gjithashtu për rolin që komuniteti shqiptar luan në Greqi, dhe që komuniteti grek luan në Shqipëri.
Këto janë ura që luajnë një rëndësi shumë të madhe. Në diskutuam edhe për mbrojtjen e mjedisit. Ne kemi bërë një program mbrojtjeje, që do të prezantohen më vonë nga dy kryeministrat. Ne biseduam edhe për çështjen e energjisë, sepse lufta në Ukrainë na ka prekur të gjithëve. Po ashtu diskutuam edhe investime të tjera që Greqia do të bëj në Shqipëri. Ne mendojmë dhe besojmë se kjo rrugë në realitet është një rrugë me një kalim. Duam pikërisht që këto fuqi të përqasin Ballkanin Perëndimor. Ne konsiderojmë se mundësi të ndihmojnë në përballimin e sfidave. Ky është mesazhi që unë kam përcjell në Serbi, në Kosovë dhe po e përcjell edhe këtu,” tha Dendias.
Discussion about this post