Ismail Rebeshi, 38-vjeçarin shqiptar i cili ishte kreu i një grupi kriminal në trafikun e drogës në Itali, është dënuar me 16 vite burg nga Gjykata e Romës.
Ndaj 38-vjeçarit shqiptar rëndon një tjetër dënim të cilin po e vuan në burgun e Cuneos, teksa mësohet se aktualisht shqiptari konsiderohet si person me rrezikshmëri te lartë, ndaj gjendet në regjimin 41 bis.
Më herët herët ai është dënuar me 10 vite dhe 11 muaj burg, ndërkohë që tashmë dënimit i janë shtuar dhe 16 vite të tjera.
Rebeshi u vu në pranga nga policia italiane gjatë operacionit të koduar ‘Vakuumi’ që u zhvillua nga policia e Romës. Ky operacion kishte synim shkatërrimin e një bande me 11 trafikantë italo-shqiptarë të drogës, nga të cilët Rebeshi kishte qenë furnizuesi kryesor.
38-vjeçari akuzohet se ka qenë anëtari kryesor i bandës dhe se furnizonte me drogë disa zona bregdetare midis Ardeas dhe Pomezia.
Ismail Rebeshi ishte kreu i bandës kriminale “Viterbo”. Sipas mediave italiane, kjo bandë kishte shtrirje thuajse në të gjithë territorin ku shpërndante lëndë narkotike.
Discussion about this post