Klodian Çalamani, autori i krimit makabër në Fier, për banorët meriton dënimin me vdekje, ndërsa krye parlamentarja Lindita Nikolla kërkon ta trajtojë çështjen në Kuvend. Në një deklaratë për mediat ajo është shprehur se dënimi kapital për dhunën nuk është zgjidhje. Ndërsa ka shtuar se tashmë hetimi i kësaj ngjarjeje të rëndë i ngelet ekspertëve dhe profesionistëve.
“Nuk është zgjidhja dënimi kapital për dhunën. Patjetër mund të shikojmë instrumente të tjerë. Ishte një akt barbar, dhe më parë kishte marrë dënim “përkëdhelës”. Ne do të adresojmë edhe në Kuvend një problem të tillë. Fjalën e fundit e thonë ekspertët dhe profesionistët. Unë do vij në ndihmë në proces ku do të përfshihem drejtpërdrejtë kundër dhunës. Aktorët shoq civile profesionistët do luajnë rol vendimtar për nismën që do të marrim dhe të thonë fjalën e tyre. Do përfshihen të gjithë aktorët politik. Një ngjarje e rëndë dhe tronditëse që kërkon një reflektim të thellë për sistemin e drejtësisë”, ka deklaruar Nikolla.
Ndër të tjera kryeparlamentarja ka kërkuar reflektim të thellë për të gjithë. Sipas saj janë një sërë instrumentash të tjera që duhet ti zbatojmë për luftën kundër dhunës, por nuk është ndëshkimi kapital. “Patjetër që Shqipëria ka nevojë për institucione të veçanta për personat me probleme mendore. Jemi në proces të rishikimit të dy nisma, për krijimin e një regjistri kombëtar për të gjithë dhunuesit dhe pedofilët”, ka deklaruar ajo.
Discussion about this post