Kryeministri Edi Rama po zhvillon një pyetësor me qytetarët për disa çështje me sensibilitet të lartë për opinion publik, siç është rikthimin me vdekje për vrasësit e fëmijëve. Rama ka thënë se do të merret gjithashtu mendimin i qytetarëve për rikthimin e këtij dënimi ekstrem.
“Më tutje kemi situatën ku u gjendëm së fundmi, krimet e dhunës në familje dhe kundër fëmijëve. Duke pasur parasysh se opinioni kërkon ashpërsim ekstrem në dënimin e autorëve përsëritës të krimeve kundër personit por në të njëjtën kohë kjo përbën edhe një sfidë në raport me standarde të caktuara apo me të gjithë procesin tonë që është i lidhur me botën ku jetojmë. Ne duam nga qytetarët opinionin e tyre”, tha Rama.
Kujtojmë se rreth një muaj më parë, një fëmijë 8-vjeçar, Mateo Vasiu iu mor jetë në mënyrë barbare nga monstra Klodian Çalamani, ku pas rastit të rëndë, familjarët dhe shumë qytetarë protestuan për rikthimin e dënimit me vdekje.
Discussion about this post