Kancelari gjerman Olaf Scholz dënoi të hënën Iranin për përdorimin e dënimit me vdekje kundër demonstruesve dhe zëdhënësi i tij tha se Berlini donte të rriste presionin ndaj autoriteteve iraniane me masa të reja ndërkombëtare.
Irani vari dy burra të shtunën për vrasjen e dyshuar të një anëtari të forcave të sigurisë gjatë protestave mbarëkombëtare që u organizuan pas vdekjes së gruas iraniane 22-vjeçare, Mahsa Amini, më 16 shtator, duke shkaktuar reagime të ashpra nga Bashkimi Evropian, Shtetet e Bashkuara vende të tjera perëndimore.
“Me ekzekutimet, regjimi iranian po përdor dënimin me vdekje si një mjet shtypjeje”, shkroi Scholz në Twitter. “Kjo është e tmerrshme.”
Ai tha se Irani duhet të përmbahet nga ekzekutimet e mëtejshme pas vrasjeve të 22-vjeçarit Mohammad Mehdi Karami dhe 39-vjeçarit Seyyed Mohammad Hosseini, vdekjet e të cilëve e çojnë numrin e ekzekutimeve të lidhura me protestat në katër.
“Së bashku me partnerët tanë ndërkombëtarë, ne do të rrisim më tej presionin mbi regjimin iranian,” tha zëdhënësi i qeverisë në një konferencë për shtyp, duke shtuar se Irani duhet të shohë se do të kishte një çmim për të paguar nëse do të vazhdonte në të njëjtën mënyrë.
Një zëdhënës i ministrisë së jashtme gjermane tha se qëllimi ishte të binte dakord për një paketë të katërt sanksionesh me vendet e tjera anëtare të Bashkimit Evropian në përgjigje të veprimeve të qeverisë në Iran.
Discussion about this post