Një gjykatë në Moskë dënoi këtë të hënë me 25 vite burg, aktivistin e opozitës ruse, Vladimir Kara-Murza, Jr, duke e akuzuar për tradhti dhe denigrim të ushtrisë.
Kara-Murza, Jr., një aktivist i shquar i opozitës, i mbijetoi dy herë helmimeve dhe fajësoi Kremlinin për sulmet ndaj tij.
Ai ka qenë pas hekurave që nga arrestimi i tij një vit më parë. Kara-Murza ka hedhur poshtë akuzat kundër tij si politike dhe i ka krahasuar procedurat gjyqësore kundër tij me gjyqet e shfaqjes gjatë sundimit të diktatorit sovjetik Josef Stalin.
Akuzat kundër Kara-Murza rrjedhin nga fjalimi i tij i 15 marsit në Dhomën e Përfaqësuesve të Arizonës, në të cilin ai denoncoi veprimin ushtarak të Rusisë në Ukrainë. Hetuesit shtuan akuzat për tradhti ndërsa ai ishte në paraburgim.
Rusia miratoi një ligj që kriminalizon përhapjen e “informacionit të rremë” për ushtrinë e saj menjëherë pasi dërgoi trupa në Ukrainë më 24 shkurt 2022. Autoritetet e kanë përdorur ligjin për të mbytur kritikat ndaj asaj që Kremlini e quajti fillimisht si “një operacion ushtarak special”.
Discussion about this post