Gjykata në Paris ka shpallur fajtor ish-presidentin e Francws, për shpenzimin e dhjetëra miliona eurove më shumë seç ishte e paraparë me ligj. Nicolas Sarkozy, u dënua me një vit burgim për financim të paligjshëm të fushatës së tij për rizgjedhje në vitin 2012.
Megjithatë, ai nuk do të burgoset, por do ta shërbejë dënimin në shtëpi, me një byzylyk elektronik, tha gjykata. Sarkozy, 66 vjeç, e mohon çdo keqbërje dhe pritet ta apelojë këtë vendim.
Ky është dënimi i tij i dytë me burgim. Në muajin mars, Sarkozy u dënua për korrupsion, por mbetet i lirë derisa vazhdon të zhvillohet procedura e apelit.
Ai u bë presidenti i dytë në historinë moderne të Francës, pas Jacques Chiracut, që u akuzua për korrupsion, por që vdiq në vitin 2019.
