Deputeti demokrat Flamur Noka, nga studio e emisionit “Ccim Peka Live”, tha se drejtorët e Bashkisë së Tiranës e kanë blerë votën në Rrogozhinë deri në 700 euro.
Noka u shpreh se në zgjedhjet e mbajtura të dielën për Bashkinë e Rrogozhinës, motoja ka qenë: çfarë nuk blihet me para, blihet me më shumë para.
“Kam qëndruar në Rrogozhinë dhe kam parë atje jo vetëm drejtorë të Bashkisë Tiranë, por edhe të qeverisë.
Kam parë një drejtor të AKU-së i cili kërcënonte dhe gjobiste, dhe ka falimentuar dhjetëra biznese në Rrogozhinë.
Kush kishte një dyqan, biznes, ose do të duhej të jepte votën me foto kandidatit të PS, ose drejtori i AKU-së Zavalani, e gjobiste, e falimentonte dhe e rrënonte.
Kam parë operacionalen e Policisë së Shtetit që shantazhonte dhe kërcënonte qytetarët. Kam parë biznesmenë të qeverisë, drejtorë të Erion Veliajt dhe Erion Veliajn që ishin lëshuar si lukuni ujqërish duke shpërndarë para.
Mbrëmë njëri prej atyre më tha se: motoja e këtyre zgjedhjeve në Rrogozhinë ishte; çfarë nuk blihen me para, u ble me shumë para. Në rast se kemi thënë se vota është 500 euro, këtë herë vota në Rrogozhinë ka shkuar 700 euro”, u shpreh Flamur Noka në SYRI TV.
Discussion about this post