Deputetja e PD-së, Albana Vokshi ka denoncuar përmes një postimi në rrjetet sociale se aparati i brakiterapisë në QSUT është sërish jashtë funskionit dhe se dhjetra pacientë me kancer kanë mbetur pa trajtimin jetik. Ajo thotë se çdo seancë e humbur është rrezik për jetën dhe se kjo nuk është hera e parë, por një skandal i përsëritur.
Vokshi shton më tej se e ka depozituar në SPAK prej rreth një viti kallëzimin për Edi Ramën, ministrat e Shëndetësisë, drejtuesit e QSUT e Onkologjikut për vrasje me dashje, shpërdorim detyre, neglizhencë mjekësore, por asgjë nuk ka ndryshuar. Sipas saj, SPAK duke heshtur, është bashkëfajtor.
Postimi i plotë
Skandal i përsëritur në Onkologjik!
Aparati i brakiterapisë në QSUT është sërish jashtë funksionit. Dhjetëra pacientë me kancer mbeten pa trajtim jetik. Çdo seancë e humbur = rrezik për jetën!
Nuk është hera e parë.
Nuk është rast i izoluar.
Prej një viti kam kallëzuar në SPAK Ramën, ministrat e Shëndetësisë, drejtuesit e QSUT e Onkologjikut për vrasje me dashje, shpërdorim detyre, neglizhencë mjekësore. Sot janë të njëjtët drejtuesa në Qeveri, e në Onkologjik. Asgjë nuk ka ndryshuar. Asnjë nuk mban përgjegjësi për shëndetin apo jetët e humbura.
Sot, ndërsa qindra milionë euro shkojnë për koncesione abuzive (Check-up, sterilizim, laboratorë), pacientët nuk marrin dot terapitë që u shpëtojnë jetën.
Ky është krim shtetëror. Dhe SPAK, duke heshtur, është bërë bashkëfajtor.
Discussion about this post