Sekretarja për Marrëdhënien me Publikun në PD, Jola Hysaj, me anë të një postimi në rrjetet sociale, shprehet se ndërsa Jorgo Goro pronat shtetërore i privatizonte dhe dërgonte dosjet për investitor strategjik burra ministreshash, Bashkia e Durrësit pronat private i kthen në publike.
Hysaj shprehet se Bashkia e Durrësit pronat private i ka kthyer në lulishte, pa vënë në dijeni pronarët. Në lidhje me këto denoncime, Hysaj ka publikuar edhe dokumente.
“Bir Selman I nënës kë të qaj më parë! Ndërsa Jorgo Goro pronat shtetëror i privatizonte dhe dërgonte dosjet për investitor strategjik burra ministreshash, Bashkia e Durrësit pronat private i kthen në publike. Madje madje dhe në lulishte, pa i vënë në dijeni pronarët. Pyetjet kanë të bëjnë me ‘Rikualifikimin e lagjes 13 dhe lagjes 6’. Për lagjen 6 më lindin pyetjet: A ka pasur dëgjesa qytetare? A e kalon fondi i rikualifikimit vlerën e pronës? A po dhunohet e drejta e pronës private? A po shkelet ligji? Apo është çështje patronazhistesh? Ah kur kërkohet vendimi 150 i Këshillit Bashkiak i vitit 2022 nuk na hapet faqja. Cila është arsyeja”, shkruan Hysaj në një postim në rrjetin social “FB”.
Discussion about this post