Denoncimi i 21-vjeçarit: Jam përdhunuar nga një prift për 9 vite

Një prift në Siracusa të Italisë akuzohet për përdhunim. Për të ka nisur një procedim penal, teksa i ndalohet dhe të ushtrojë publikisht shërbimin.

“Jam përdhunuar nga 9 vjeç deri në 18 nga një prift”,- është denoncimi tronditës i një 21-vjeçari në policinë e Sirakuzës.

Sipas TG24, djali do të kishte drejtuar gishtin drejt një famullitari në qytetin e tij, Francofonte, me akuzën për ngacmim dhe abuzim të vazhdueshëm gjatë 9 viteve. Tregimet e tij janë gjithashtu të bashkangjitura në një ekspozitë të dorëzuar në dioqezën e Sirakuzës. Peshkopati tashmë ka nisur një hetim të brendshëm dhe e ka përcjellë dosjen në Romë.

“Jemi të trembur, komuniteti i Frankofontes është i tronditur. Ftoj prokurorin të sqarohet, duke besuar tek Drejtësia dhe tek peshkopi për një qëndrim të qartë për këtë çështje”.- është shprehur kryebashkiaku i Francofonte Daniele Lentini, i cili ka dashur të tregojë afërsi dhe solidaritet me bashkëqytetarin e ri që ka paraqitur ankesën.

Prifti varet nga Eparkia e Piana degli Albanesi, ndërsa djali iu drejtua kryepeshkopisë të Sirakuzës sepse kishte lindur, si prifti i akuzuar, në Francofonte, një qytet në zonën e Sirakuzës. Kur kryepeshkopi i Sirakuzës, mgr. Francesco Lomanto, pasi mori ankesën, filloi menjëherë, duke bashkëpunuar me prokurë, një procedim penal kanonik kundër priftit. Prifti, tashmë në pension, është banor i Dioqezës së Sirakuzës pa asnjë detyrë. Më 31 tetorin e kaluar, peshkopi i Piana degli Albanesi ka miratuar tashmë një dispozitë ndalimi për ushtrim të detyrave publike të priftit në fjalë.