Ish-kryeministri Sali Berisha është i bindur se ka përgjime të kryeministrit Edi Rama me grupet kriminale. Nga selia blu, Berisha u shpreh se sipas tij është fakt që këto përgjime ekzistojnë dhe po deshifrohen.
“Përgjimet janë një realitet. Unë kam kërkuar, insistuar ratifikimin në Kuvend të marrëveshjes me vendet e Beneluksit për ekstradimin. E ka bllokuar Rama në ministrinë e Drejtësisë. E sigurt është që telefonata me atë lloj aparati që Rama dhe të tjerë i besonin se janë të padëshifruara, po deshifrohen. Rama është aty 100% dhe prandaj po pengon marrëveshjen. Për cilën përgjime e ka fjalën Meta, këto apo të Elbasanin ku Taulant Sharra është personazh kryesor. Të gjitha masat e marra ndaj Gentian Sharrës, mikut të Taulant Sharrës janë hequr. Çdo konfiskim është hequr. Është rikthyer shtëpia dhe çdo gjë tjetër dhe madje Gentjan Sharra vazhdon më thonë aktivitetin në prokurimet publike. Burimet flasin për ndërhyrje direkte nga Taulant Sharra në këto afera.Të habitesh që Rama është i regjistruar duke folur me grupe kriminale është shaka. Padiskutim që është duke folur. Uroj të dalin sa më shpejt”, u shpreh Berisha.
Discussion about this post