Gazetari Osman Stafa ka denoncuar një tjetër skandal nga shëndetësia publike në vendin tonë, ku të sëmurëve me turbekuloz, iu janë dhënë ilaçe të skaduara.
Në një postim në Facebook, gazetari shkruan se të sëmurëve me turbekuloz iu është dhënë ilaçi i skaduar nga dispanceria e spitalit.
Më tej Stafa shton se ky është skandal dhe se duhen hetime për ngjarjen që rrezikon shëndetin e të sëmurëve me tuberkuloz.
“Nëse një farmaci, do të jepte një bar të skaduar, do përballej me ndjekje penale, gjoba, humbje liçense.
Ndërsa, vetë shteti, Ministria e Shëndetësisë, Agjencia e Barnave dhe Pajisjeve Mjeksore, Dispanceria ua japin pacientëve me tuberkuloz, ilaçet e skaduara”, thekson gazetari në postimin e tij.
Ndërsa një pyetje ka edhe për ministren e Shëndetësisë Albana Koçiun se çfarë po bëni me këto skandale?
Postimi i plotë i Osman Stafës:
SOT,
të sëmurëve me turbekuloz, u kanë dhënë ilaçe të skaduara. Merrni këto se s’ka të tjera, u thanë pacientëve. Kjo sapo ka ndodhur tek Dispanceria. Ky medikament nuk gjendet nëpër farmaci. Ai është një ilaç spitalor. Ka skaduar në muajin korrik 2025.
SKANDALLLLL. ÇFARË PO BËNI EJJJJJ?
Nëse një farmaci, do të jepte një bar të skaduar, do përballej me ndjekje penale, gjoba, humbje liçense.
Ndërsa, vetë shteti, Ministria e Shëndetësisë, Agjencia e Barnave dhe Pajisjeve Mjeksore, Dispanceria ua japin pacientëve me tuberkuloz, ilaçet e skaduara.
Kjo është lemeri!
Znj. Ministre Albana Koçiu çfarë po bëni?
Discussion about this post