Ligjvënësi demokrat, Belind Këlliçi shprehet se fushata ndëshkuese e Ramës për zytarët dhe inspektorëve hajdutë, nuk është gjë tjetër veçse një hipokrizi e kreut të qeverisë.
Përmes një reagimi në rrjetin social, facebook, ku ka publikuar investigimin që emisioni Piranjat ka bërë në Bashkinë e Tiranës dhe që të përfshirë veç zyrtarëve bashkiakë, është edhe ish deputeti socialsit, Xhemal Qefalia, së bashku me të vëllanë, Këlliçi thotë se qoka korruptive në Bashkinë e Tiranës jepet për të vjedhur zgjedhjet.
Deputeti demokrat I ka bërë thirrje SPAK të zgjohet nga gjumi letargjik, dhe të reagojë në kohë përmes hetimeve, ndaj bandës në pushtet, siç e cilëson Këlliçi, Partinë Socialiste.
‘Çdo minutë që kalon, e shfrytëzon për të zhvatur dhe gjobitur qytetarët me skema korruptive. Hajdutëria e Rilindjes nuk ka kufij’, shkruan në reagimin e tij, deputeti i PD, Belind Këlliçi.
Statusi
Hipokrizia e fushatave ndëshkimore të Edi Ramës, zhvishet para opinionit nga lukunia e zyrtarëve dhe inspektorëve të tij hajdutë.
Emisioni Piranjat në Syri TV ka zbardhur sonte të plotë skemën korruptive të zyrtarëve të Bashkisë Tiranë, ku përveç drejtorit Arli Naska, implikohen edhe vëllezërit Xhemal dhe Kujtim Qefalia, një qokë korruptive e cila shprehimisht jepet për të vjedhur zgjedhjet.
Ftoj SPAK të zgjohet nga gjumi letargjik dhe të reagojë në kohë dhe me vendosmëri ndaj kësaj bande me pushtet, e cila çdo minutë që kalon, e shfrytëzon për të zhvatur dhe gjobitur qytetarët me skema korruptive.
Hajdutëria e Rilindjes nuk ka kufij!
gijotina.com/
Discussion about this post