Denoncimi i Malltezit: Soros do të hapë pus nafte në zonën e mbrojtur të Nartës
Jamarbër Malltezi, kreu i departamentit të Mjedisit në Partinë Demokratike ka bërë një denoncim lidhur me dhënien e një pusi nafte në zonën e Lagunës së Nartës në Vlorë, miliarderit Gorge Soros.
Sipas Malltezit, janë dy ministra dhe 4 Agjenci që po shkelin ligjin hapur, ndërsa Prokuroria nuk ka bërë asnjë reagim lidhur me çështjen në fjalë.
“Pus Nafte për SOROS mu brenda Zonës së Mbrojtur në Nartë!!! Del se Soros qenka pronar i kompanisë së naftës prandaj dy ministra dhe 4 agjensi shkelën ligjin ndërsa prokuroria ka ikur në drejtim të paditur. Cili nga mercenar-gazetarët e Soros e dha si lajm? U fshehën”, shkruan ai në Facebook.
Malltezi deklaron se leja për punimet është dhënë në kundërshtim me ligjin, pasi laguna konsiderohet si zonë e mbrojtur.
“Kush duhet të mbajë përgjegjësi për shkelje ligji? Pse paguajmë për Agjensi Zonave të Mbrojtura kur këta japin leje pus nafte brenda Zonës së Mbrojtur? Pse na duhet Agjensia e Bregdetit? Po atëherë bëni një amendim ligjor që shkruan se ‘çdo ligj që bie ndesh me interesat e Soros është nul’ Shtet i qelberisur nga Soros, ku merçenar-politikanë të Soros pozojnë për ligje dhe ku mercenar-gazetarët e Soros bëjnë mender-habere”, shprehet Malltezi.
Miliarderi Gorge Soros është një emër i njohur në vendin tonë për miqësinë me Ramën dhe marrëdhëniet jo të mira me Berishën. Madje ku i fundit e bën atë përgjegjës për shpalljen e tij non grata nga SHBA.
