Anëtari i Kryesisë së Partisë Demokratike, Belind Këlliçi ka publikuar ditën e sotme një tjerë bashkëbisedim me email, që sipas tij, zbulon korrupsion e kryebashkiakut të Tiranës, Erion Veliajn në aferën e mbetjeve.
Email mban datën 21 janar të vitit 2020, midis Denisa Tollkuçit dhe një zyrtari të Bashkisë Tiranë, ku komunikohet për rakordimet e sasive të depozituara të mbetjeve dhe dherave, tek landfilli i Sharrës.
Këlliçi u shpreh se kontrata konçensionare e firmosur në vitin 2017, hyri në fuqi në janar të vitit 2018. Nga komunikimi me email kuptohet se deri në muajin Maj të vitit 2018, nuk kishte asnjë pretendim nga konçensionari për të aktivizuar një pagesë të re për zërin dhera/inerte.
Ish-deputeti i PD-së deklaroi se pas këtij muaji nëpërmjet një veprimit kryekëput korruptiv, Erion Veliaj vendos që buxheti i Bashkisë Tiranë duhet të paguante për çdo punë publike tarifën për depozitimin e dherave në biznesin e tij.
Ndërkohë, sipas Këlliçit, pasi e pa si një mundësi të artë, për të vjedhur dhjetëra milionë euro shtesë, Veliaj në tetor të vitit 2018 vendosi këtë gjobë edhe për bizneset private. Sipas tij, Veliaj duke përdorur drejtorët 5D, shantazhonte, kërcënonte dhe detyronte biznesin e ndërtimit për të paguar depozitimin e dherave, shumë e cila kalon vlerën e 60 milionë eurove.
Këlliçi paralajmëroi se ditët në vijim do të bëjë publike disa marrëveshje të Bashkisë Tiranë, okumente që bëjnë bashkë inceneratorin e Tiranës, bandën 5D, Taulant Tushën, Ilda Qazimllarin dhe kokën e këtij grupi kriminal, Erion Veliajn.
Ai i bëri thirrje SPAK-ut që të mos harxhojë më edhe një orë të vetme, por sot të sekuestrojë të gjitha asetet e këtij grupi të strukturuar kriminal, që fillon me inceneratorin e Tiranës, vijon me bandën e 5D dhe përfundon tek dhjetra e dhjetra apartamente në kullat më të rëndësishme të Tiranës.
Discussion about this post