Prokuroria e Posaçme Kundër Korrupsionit dhe Krimit të Organizuar ka firmosur urdhër arrestet e para për çështjen e inceneratorëve, të cilën opozita e konsideron si aferën më të madhe korruptive në këto 30 vite pluralizëm.
Mësohet se operacioni për ekzekutimin e tyre ka nisur këtë mëngjes. Policia ka dalë në terren dhe po kryen arrestimet e personave për të cilët është lëshuar urdhri, ndërsa ende nuk dihet nuk është vënë në pranga.
Pas tre muajsh hetime dhe intervista për inceneratorët, PD doli në përfundimin se nga buxheti i shtetit janë vjedhur 430 milionë euro, ndërsa depozitoi 7 padi për Erion Veliaj, Emiriana Sako, Alqi Bllako, Damian Gjiknuri, Arben Ahmetaj, Ëngjëll Agaçi dhe Armando Subashi.
Partia Demokratike shkroi një raport 120 faqe që nuk u votua në Kuvend por që gjithsesi u dërgua në SPAK, dhe mesa duket kjo e fundit është vënë në lëvizje, por nuk ka ende emra konkretë.
Për aferën e inceneratorëve, ka rënë në pranga ish-ministri i PS Lefter Koka, ndërsa nuk dihet se kë do të sakrifikojë Rama për të shpëtuar veten e tij dhe mbyllur këtë çështje njëherë e mirë.
Discussion about this post