Deputeti i Partisë Demokratike, Agron Shehaj shprehet se kompania arabe që do të marrë investimin te Porti i Durrësit nuk është “kompani flamur” e Emirateve.
Sipas tij, kompania është krijuar në vitin 2021 dhe nuk ka asnjë historik financiar.
Ai ka publikuar edhe një dokument për akuzat e tij. Akuzat bashkë me dokumentin i ka publikuar në rrjetet e tij sociale.
Deklarata
“Rama mashtroi shqiptarët duke thënë se në Portin e Durrësit do investonte kompania Emaar. Rama gënjen gjithashtu kur thotë se kompania arabe North East Real Estate Holding Limited, që do marrë Portin e Durrësit, është “Kompani Flamur” e Emirateve të Bashkura. Kjo kompani është krijuar në Nëntor 2021, nuk ka asnjë historik financiar dhe mbi të gjitha nuk ka asnjë lidhje me kompaninë Emaar. Koncesioni i Portit të Durrësit është afera e radhës e kësaj qeverie të korruptuar deri në palcë”, shkruan në postimin e tij Agron Shehaj.
Discussion about this post