Një person shfaqet në një video që qarkullon në rrjet duke dhunuar rojen e një shkolle. Sipas raportimeve, roja i shkollës i moshës 70 vjeç është goditur nga një person, rreth 40 vjeç, ndërsa dyshohet se shkak ka qenë se roja nuk ka lejuar të hyjë brenda ambienteve të shkollës.
Video është publikuar edhe nga ish-kryeministri Sali Berisha. Sipas raportimeve, i moshuari është roje në shkollën 9 vjeçare “Qamil Guranjaku” në Elbasan. Sipas Berishës thotë se autori është kryetari i PS-së së Elbasanit.
“Durim Koçi, bandit i Taulant Bego Jaris, masakron me grushte rojen 70 vjeçar! Krim i shëmtuar!” – shkruan Berisha.
Ndërkohë, Policia e ka proceduar në gjendje të lirë 40-vjeçarin për ngjarjen.
“Specialistët për Hetimin e Krimeve të Komisariatit të Policisë Elbasan referuan materialet në Prokurori ku nisi procedimi në gjendje të lirë për shtetasin D. K., 40 vjeç, banues në Elbasan, pasi mesditën e djeshme, ka kallëzuar një shtetas 70 vjeç, se gjatë punës si roje e një shkolle 9-vjeçare, shtetasi D. K., për motive të dobëta, e ka goditur me shuplakë, në fytyrë” – thuhet në njoftimin e policisë.
Discussion about this post