Tenderët për pastrimin e QSUT janë nga kontratat me më shumë shpenzime dhe me shumë abuzime. Kur kontratat dalin nga kontrolli i Ogerta Manastirliut, është drejtoresha Albano Fico që ekzekuton hapat e fundit para se “ujqërit e tenderëve” të marrin llokmat e buxhetit të shtetit.
Pothuajse çdo tender për pastrimin e QSUT përfundon në KPP për shkak se aty bëhen përvetësimet më të mëdha. Edhe tenderi i firmosur pak ditë më parë është zhvilluar me shkelje. Dhe si pasojë një firmë e ka denoncuar pranë Komisionit të Prokurimeve Publike.
Denoncimi
Ankesa është dorëzuar më datë 18 maj 2023, nga firma “Pastrime Silvio” SHPK për tenderin me Nr. REF-63129-03-21-2023. Ky prokurim ka si objekt “Shërbim pastrimi i ambienteve të jashtme, për Qendrën Spitalore Universitare “Nënë Tereza”. dhe fond limit është 38,009,074 lekë pa TVSH.
Fiqiri Allmuça, si pronar i firmës denoncues,e pretendon se Autoriteti Kontraktor ka shpallur fituese firmën METEO”.SH.p.k, edhe pse kjo e fundit nuk përmbush kriteret. Konkretisht në ankesë citohet se firma e Eral Myftarajt nuk ka paraqitur dëshminë që të vërtetojë se firma e tij ka kryer punë të ngjashme në këto vite e fundit me vlerë jo më pak se 39% e fondit limit.
Gjithashtu denoncuesi shprehet se firma METEO”.SH.p.k, nuk ka paraqitur vërtetimin se plotëson numrin e punonjësve që kërkohen në dokumentet e tenderit për të kryer këtë shërbim.
Kur në fakt, vlen të theksohet se për këto pika Fico dhe Manastirliu kanë skualifikuar nga gara 7 firma të tjera, përfshirë edhe denoncuesin.
Sikur përmendëm më lartë bëhet fjalë për një luftë për të rrëmbyer këto para se sa për përpjekje që të vendoset drejtësi në zbatimin e prokurimeve.
Kujtojmë nga ana tjetër se, edhe “Pastrime Silvio” SHPK është një nga ato firma që është përfshirë në aferat e Ministrisë së Shëndetësisë. Ndërsa në dokumentet e tenderit shohim që edhe garuesit e tjerë janë një sërë oligarkësh. Që prisnin dhuratën e radhës nga ministrja e tyre.
Përmendim këtu ALKO IMPEX CONSTRUCTION” SHPK, prapa të cilës qëndron ish-deputeti Sadri Abazi. “SORI-AL” SHPK në pronësi të Alma Tafanit, që përfiton çdo kontratë të mundshme tek Spitali i Traumës. Gjithashtu pjesëmarrëse është edhe firma DESARET COMPANY” SHPK & “RINIA 96” SHPK, në pronësi të Vladimir Metanit, dajës së ish-presidentit Ilir Meta.
Çfarë u bë me tenderin e 2022
Daja i Ilir Metës nuk ndihet në këtë rast, pasi në vitin 2022 firma e tij e fitoi pa garë tenderin e pastrimit të QSUT. Është fjala për prokurimin që është mbyllur me datë 9 gusht të vitit 2022 dhe kishte si fond limit të njëjtën vlerë, 380 milionë lekë. Në atë rast u përjashtuan pa asnjë justifikim 3 firmat e tjera dhe iu dha fitorja pa garë Vladimir Metanit.
Ndërkohë, ajo që nuk mund të fshihet nga dokumentet e tenderit është afati, që parashikohej për 24 muaj. Pra, vlera i dhënë dajës së Ilir Metës ishte që ai të vazhdonte pastrimin edhe për këtë vit.
Por, ku u zhdukën ato para?
Përse duhet që të shpenzohen edhe 390 milionë lekë të tjera, kur fondet ishin lëvruar më parë?
Përse ministrja anashkalon këtë çështje kaq të rëndësishme?
KPP duhet që të mos shqyrtojë në mënyrë rutinore denoncimin e kompanisë. Por të thellohet se çfarë fsheh fasada e këtij tenderi.
Lexo edheFasada e spitalit/ Manastirliu u fal 970 mln lekë vëllezërve Ibrahimi
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post