Në ambientet jashtë qendrës së votimit pranë Kopshtit Publik në Kamëz, qytetarët raportojnë për intimidim dhe pengim nga zyrtare të larta të bashkisë.
Sipas burimeve në terren, Rajmonda Laçka, sekretare e kryebashkiakut Rakip Suli, dhe Migena Habibi, nënkryetare e Bashkisë Kamëz, janë parë duke ndërhyrë dhe ndaluar qytetarët, duke iu dhënë atyre direktiva në mënyrë të paautorizuar.
Prania e këtyre zyrtareve në afërsi të vendvotimeve, jashtë çdo funksioni ligjor në procesin zgjedhor, ka ngjallur shqetësim mes qytetarëve dhe ka ngritur dyshime mbi përfshirjen e institucioneve lokale në presion politik.
Qytetarët kërkojnë ndërhyrjen e Komisionit Qendror të Zgjedhjeve, Policisë së Shtetit dhe institucioneve të tjera përgjegjëse për të garantuar një proces të lirë dhe të ndershëm, si dhe për të hetuar veprimet e zyrtareve në fjalë.
Denoncimi i qytetarit:
“Pershendetje, te kopshti publik qender Kamez, sekretarja Rakip Sulit Rajmonda Laçka ndalon qytetaret. Edhe nen kryetarja bashkise Kamez Migena Habibi ndalon qytetaret, i intimidojne, ju japin direktiva. Ju lutem bejeni publike jashte ambjentit te votimit per cfare rrine kto zonja ? pse i ndalojne njerzit Rajmonda Laçka sekretare kryetarit Rakip Suli dhe Migena Habibi nen kryetare ne bashki te Kamzes. Ju lutem bejeni publike me kerkesen time se meren instancat perkatese me to”, thuhet në mesazhin denoncues.
Discussion about this post