Drejtoresha e AKSHI-t, Mirlinda Karçanaj, iu ka hyrë me lopatë fondeve të buxhetit të shtetit që ia çel Rama me bujari. Aq shumë afera po zhvillon Milrinda në ditën me diell, sa është verbuar dhe nuk sheh skandalet që firmos.
Në 11 mars 2023, Gijotina.com denoncoi tenderin me vlerë 1.2 miliardë lekë që kishte hapur AKSHI me objekt “Ngritjen dhe mirëmbajtjen e sistemit TIK të Integrimit Evropian”. Ky prokurim është publikuar me datë 6 mars 2023. Gijotina.com evidentoi faktin që kemi të bëjmë me vjedhje, sepse ky sistem egziston aktualisht.
Kur bëhen këto denoncime nga media, SPAK dhe institucionet e tjera përgjegjëse nuk lëvizin as gishtin. Tani ky tender është denoncuar pranë Komisionit të Prokurimit Publik. Denoncimi është bërë me datë 8 maj 2023 dhe nxjerr në pah një tjetër shkelje. Konkretisht, ankimuesi “G.A.C” SHPK pretendon se AKSHI ia ka dhënë tenderin pa garë firmës “COMMUNICATION PROGRESS” SHPk.
Në ankesë thuhet se kjo firmë nuk i plotëson kriteret e paraqitura në tender, por AKSHI ia ka bërë dhuratë këtë kontratë, duke skualifikuar të gjitha firmat e tjera pa shqyrtuar sipas ligjit ofertat e tyre. Në ankesën e saj kompani shpjegon që është skualifikuar me justifikim se nuk ka parqitur në kohë dokumentin për sigurimin e ofertës. Ndërkohë, edhe firma fituese ka një sërë mangësish në dosjen e saj.
Zhvillimi i tenderit në shkelje të ligjit vërteton denoncimin që ngriti Gijotina.com që ky tender ka synim përvetësimin e fondit përmes fituesit të paracaktuar. Sepse sikur e kemi përmendur në artikullin e mëparshëm, bëhet fjalë për sistemin në të cilin punon ministri i Shtetit për Integrimin dhe kryenegociatori për në BE, për përshtatjen e legjislacionit shqiptar me atë të BE-së. Për këtë sistem do të shpenzohen 1.2 miliardë lekë!
Të paktën kaq ka llogaritur Mirlinda, sepse sipas specialistëve të fushës, për implementimin e një sistemi të tillë mund të bëhen investime modeste. Kujtojmë këtu se platforma TIK e integrimit ekziston tashmë në Ministrinë e Drejtësisë, ku bëhet koordinimi i të gjitha ligjeve dhe vendimeve të qeverisë. Pse duhet bërë një investim kaq i madh?!!!
Shpresojmë që SPAK të ngacmohet dhe të krijojë dyshimet e arsyeshme për të vënë nën hetim drejtoreshën e AKSHI-t, që po i shkakton dëme financave të shtetit më shumë se sa tërmeti dhe Covid-19, të marra sëbashku.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
Discussion about this post