Kreu i ARRSH, Evis Berberi, nuk ngurron të bëj pazare për çdo prokurim rrugësh. 130 milionë lekë ka vënë ai këtë herë në lojë, por planet nuk po i shkojnë sikur e kishte menduar. Po flasim për tenderin me objekt “Supervizion “Mirëmbajtje Tuneli i Krrabës (2023-2027)”, gara për të cilin u mbyll më datë 20 korrik dhe fituese u shpall firma C.E.C GROUP, pa garë fare.
Për këtë arsye, më datë Në datën 25.07.2023, “A & E Engineering” SHPK ka paraqitur ankesë pranë autoritetit kontraktor dhe pranë Komisionit të Prokurimit Publik, dhe u konstatua, se objekti i ankesës lidhet me kundërshtimin e vendimit të Komisionit të Vlerësimit të Ofertave mbi vlerësimin me pikë të propozimit teknik dhe ekonomik.
Konkretisht, Entela Çano pretendon se oferta firmës së saj nuk është vlerësuar si duhet. Ndërkohë nga shqyrtimi i ankesës dhe të dokumentacionit për të dyja kompanitë, KPP konstaton se plotëson kriteret bazë dhe madje tregon se ka eksperienca me punë të ngjashme. Prandaj i kërkon Autoritetit Kontraktor, në këtë rast Autoritetit Rrugor Shqiptarë, që të rishikojë vlerësimin për këtë ofertë.
“Komisioni ka konstatuar se, konsulenti “A&E Engineering” SHPK, ka dorëzuar licencën e mbikëqyrjes së tij, si dhe një CV të kompanisë me një listë të objekteve të mbikëqyrjes, të cilat janë të gjitha kontrata të mbikëqyrjes së profilit për punime ndërtimore dhe jo të mirëmbajtjes. Gjithashtu, në materialin e përgatitur në listën e CV së shoqërisë, konsulenti “A&E Engineering” SHPK, ka listuar edhe dy kontrata me natyrë të ngjashme me objektin e prokurimi”, thuhet në vendim.
Duke theksuar më tutje se “A&E Engineering” SHPK ka deklaruar dy punonjës me përvojë të gjatë pune që do të marrin përsipër mbikëqyrjen e këtij projekti. Duke rrëzuar kështu vlerësimin e pabarabartë që ka bërë ARRSH për dy konkurrentët.
Në bazë të këtyre gjeteve KPP ka vendosur të pranojë kërkesën e “A&E Engineering” SHPK dhe i kërkon ARRSH të anulojë procedurën dhe Të bëjë rivlerësimin e ofertave.
Si u dha tenderi pa garë
Pak më lartë ne cituam se C.E.C GROUP, në pronësi të Vangjush Mbriçe – dhe Anduen Mbriçe e kanë përfituar tenderin pa garë. Për këtë arsye edhe ky prokurim ka marrë “Flamurin e Kuq”. Në dokumentin e siguruar, shohim se kanë paraqitur ofertat C.E.C GROUP dhe “A&E Engineering” SHPK.
Por, pa dhënë asnjë shpjegim, Berberi ka shpallur automatikisht fitues firmën e Vangjush Mbriçes, i cili është i njohur për mashtrime, dhe përfitimin e tenderëve në tavolinë, pa garë fare.
Në shtator të vitit 2019 ai është arrestuar për evazion fiskal dhe krijimin e skemës mashtruese për përfitimin e TVSH-së. Por, duke qenë se biznesmenët kanë lidhje të forta me qeveritarët, ai u dënua vetëm me 20 ditë burg. Ndërsa tanoi vetë qeveria e bënë pjesë të mashtrimeve dhe aferave.
Lexo edhe: Evis Berberi “qeth” 1.6 MLD lekë për oligarkun e Rrugës së Kombit, tenderi dublon koncesionin
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post