Tashmë jemi mësuar që shumica e institucioneve shtetërore të zhvillojnë procedura dyshuese prokuruese. Institucioni që është në varësi të Ministrisë së Brendshme, ajo Agjencia e Blerjeve të Përqendruara është organi më i madh i prokurimeve në Shqipëri, i cili kryen shumicën e blerjeve qendrore, njihet tashmë që është një prej institucioneve që është përfolur për prokurime duke shkel ligjin. Këtë ka bërë edhe në procedurën e fundit, e cila ka hapur në datën 7 janar 2022, për shërbim gatimi dhe shpërndarje ushqimi, për Repartin e Ndërhyrjes së shpejtë në Tiranë.
Kjo procedurë mban numrin e referencës REF-16947-01-07-2022 dhe ka një fond limit prej 90,323,370 lekë të reja, ose rreth 903 milionë lekë të vjetra. Kjo procedurë ka përfunduar në Komisionin e Prokurimeve Publike, pasi një nga operatorët ekonomik që ka marrë pjesë në garë, ka konstatuar se një nga konkurrentët është favorizuar në shkelje të ligjit.
Ankesën e ka bërë operatori ekonomik “Dion – AL” sh.p.k dhe lidhet me vendimmarrjen e Komisionit të Vlerësimit të Ofertave mbi kualifikimin e ofertës të paraqitur nga operatori tjetër ekonomik që ka marrë pjesë në garë, “Nika” SHPK. Kompania “Dion – AL” SHPK, në ankesën e saj pretendon se nuk kompania “Nika” SHPK pjesëmarrës në procedurën e prokurimit, është kualifikuar duke mos disponuar një licencë e cila kërkohet nga ligji. Për këtë, KPP e ka marrë në shqyrtim këtë ankesë.
Siç duket edhe në këtë procedurë kemi të bëjmë me një prokurim që pretendohet të shkojë tek miqtë e iniciuesve të tenderit, me metodën e zakonshme, duke dashur të favorizojnë kompanitë në shkelje të ligjit.
Gijotina.com
Discussion about this post