Deputeti i PD-së në Lushnje, Saimir Korreshi i njohur për deklarata plot ironi ndaj qeverisë sot ka publikuar një rast skandaloz në qytetin e Lushnjës.
Përmes një postimi në Facebook ai ka publikuar disa foto ku tregon se shtyllat e energjisë elektrike po rrezikojnë jetën e banorëve.
Konkretisht, bëhet fjalë për fshatin Kosovë e Vogël, ku shtyllat gati në të rrëzuar gjenden shumë pranë rrugës kryesore, ku çdo ditë kalimtarëve iu rrezikohet jeta, por asnjë lëvizje nuk është bërë nga bashkia.
“Meqë jemi ne emergjence energjetike po ju dërgoj disa foto qe mund te çoj edhe ne katastrofe njerëzore.
Shtyllat ne fjale janë duke rënë në rrugën kryesore në fshatin Kosove e Vogël dhe duke rrezikuar jetën e njerëzve.
Kush ka ndonjë numër telefoni andej nga elektriku ta verifikojnë njëherë. Gjithmonë pa ju prishur dhe marrë kohë nga analiza e rajoneve të PS”, shkruan ai.
Pak orë më parë Korreshi tregoi se, në qendrën shëndetësore Bubullimë në Lushnje punonin 2 infermierë, duke publikuar dhe pamje nga ndërtesa e amortizuar.
