U dërgua me ambulancë në spital, humb jetën i dënuari në burgun e Fierit (Emri)

Një shtetas që vuante dënimin në burgun e Fierit ka humbur jetën në rrethana ende të paqarta.

Burime pranë IEVP Fier thonë se shtetasi 49-vjeçar, Ardjan Malasi kishte kërkuar ndihmën mjekësore teksa ndodhej brenda qelisë dhe ka humbur ndjenjat pasi u transferua ne infermieri.

Menjëherë është bërë transportimi i tij drejt spitalit të Fierit, por mjekët konstatuan vdekjen e tij.

Sipas informacioneve dyshohet se ka pësuar hemoragji celebrale, dhe nderkohe ka nisur hetimi për të zbardhur rrethanat e vdekjes së të dënuarit.

Ai ishte transferuar disa muaj më parë nga burgu 313 i Tiranës

Ardian Malasi ishte dënuar me 8 vjet burg nga GJKKO për pastrimin e produkteve të veprës penale ose veprimtarisë kriminale, kryer në bashkëpunim, në bazë të nenit 287 të Kodit Penal.

Vendimi është dhënë më 17 tetor 2025 dhe  mori formë të prerë më datë 01.06.2026.